Nakadawat og donasyon nga inomon nga tubig ang Sarangani Police Provincial Office gikan sa Office of the Vice President (OVP) isip suporta sa padayong humanitarian ug disaster response operations sa probinsya niadtong Hunyo 19, 2026.
Pormal nga gidawat sa Sarangani PNP ang kinatibuk-ang 103 ka kahon sa bottled drinking water nga naglangkob sa 38 ka kahon sa 500-milliliter bottled water ug 65 ka kahon sa 350-milliliter bottled mineral water.
Ang turnover ug pagdawat sa maong donasyon gipangulohan nila ni PLTCOL Jeniffer A. Molina, Deputy Provincial Director for Operations, ug PMAJ Analyn P. Villagracia, Finance Officer.
Sumala sa Sarangani PNP, dako og ikatampo ang maong donasyon aron madugangan ang ilang logistical ug humanitarian support requirements, ilabina sa mga personnel nga nagpadayon sa paghatag og serbisyo ug suporta sa mga komunidad nga naapektuhan sa nahitanong magnitude 7.8 nga linod sa rehiyon.
Gilauman usab nga makatabang ang maong suplay sa tubig sa pagpalig-on sa kapasidad sa kapulisan sa pagpatuman sa mga disaster response ug relief operations samtang nagpadayon ang mga paningkamot sa pagtabang sa mga apektadong residente sa lalawigan.
Malampusong nahuman sa maong adlaw ang turnover ug pagdawat sa donasyon, nga nagpakita sa padayong panaghiusa ug kooperasyon sa mga ahensya sa gobyerno aron masuportahan ang mga frontliner ug komunidad nga nanginahanglan og tabang atol niining panahon sa pagbangon.