Sikop ang usa ka driver ug nasakmit ang gibanabana nga ₱800,000 nga kantidad sa puslit nga yosi atol sa checkpoint operation nga gihimo sa mga otoridad sa Border Control Point sa Barangay Labinay, Ozamiz City, Misamis Occidental niadtong Hunyo 25, 2026.
Nahibal-an nga usa ka puti nga multicab mini van ang nagdala sa mga klasi-klasi nga gitoohang puslit nga yosi ug wala’y naipakita ang driver niini sa mga legal nga dokumento busa gisikop kini sa kapulisan.
Narekober ang anaa sa 20 boxes sa Berlin nga brand sa puslit nga yosi nga nagkantidad ug ₱800,000.
Padayon ang kampanya sa Misamis Occidental PNP arun mahunong ang smuggling sa rehiyon ug mamintinar ang kahapsay ug makab-ot ang kalamboan.