Padayon ang Philippine National Police (PNP) sa pagpalig-on sa mga lakang sa seguridad aron masiguro ang malinawon, hapsay, ug luwas nga pagpatuman sa White Ribbon Movement Faith-Based Rally nga sa kaolohan karung adlawa, Hunyo 28, 2026.
Subay sa direktiba sa kapulisan, gipahigayon ang hugot nga pagbantay ug pagdeploy sa mga personahe sa nagkadaiyang estratehikong lugar aron malikayan ang bisan unsang insidente nga mahimong makasamok sa kalinaw ug kahapsay sa kalihokan.
Gipasiugda sa PNP nga ang ilang presensya dili lamang alang sa pagmintinar sa kalinaw ug kahapsay, kondili usab aron mapanalipdan ang katungod sa publiko sa malinawon nga pagpahayag ug panagtigom.
Padayon usab ang suod nga koordinasyon sa kapulisan uban sa lokal nga kagamhanan, mga ahensya sa trapiko, mga organizer sa kalihokan, ug uban pang mga stakeholder aron masiguro ang epektibong pagdumala sa seguridad, trapiko, ug kaluwasan sa publiko.
Samtang nagpadayon ang kalihokan, gihangyo sa PNP ang publiko nga makigtambayayong pinaagi sa pagsunod sa mga balaod ug regulasyon aron mapadayon ang malinawon ug organisadong pagpatuman sa White Ribbon Movement Faith-Based Rally.