Naka-full alert status ang National Capital Region Police Office (NCRPO) ubos sa pagpanguna ni Police Major General Anthony A. Aberin, Regional Director, tungod sa White Ribbon Movement Prayer and Indignation Rally nga ipahigayon karong Domingo, Hunyo 28, 2026.
Matud ni PMGen Aberin, gibanabana nga mokabat sa 9,553 ka mga pulis ang ipakatap aron ipatuman ang komprehensibong security plan aron masiguro ang malinawon, hapsay, ug luwas nga pagpatuman sa kalihokan samtang ginatamod ang konstitusyonal nga katungod sa publiko sa malinawon nga panagtigom.
Gipatuman ang halapad nga deployment sa tibuok rehiyon ilabina sa mga kritikal nga lugar sama sa People Power Monument, EDSA Shrine, CRB Mendiola, Ayala Bridge, Embahada sa Estados Unidos, mga nag-unang kadalanan, mga rutang pangtransportasyon, police checkpoints, border control points, ug uban pang natumbok nga convergence areas sa tibuok Metro Manila.
Aron mas mapalig-on pa ang kaandam, gibutang ang NCRPO ubos sa Full Alert Status sugod alas 5:00 sa hapon niadtong Hunyo 26, 2026 hangtod mahuman ang security operations.
Gipalig-on usab ang mga pagpangandam pinaagi sa hugot nga koordinasyon uban sa Pamahalaang Lungsod sa Quezon, mga organisador sa kalihokan, Metropolitan Manila Development Authority (MMDA), mga emergency responder, ug uban pang kaabag nga ahensya subay sa napagkasabutang security arrangements nga gilatid sa Memorandum of Undertaking.
Gilauman nga mokabat sa 10,000 ka mga partisipante ang motambong sa kalihokan nga ipahigayon sa daplin sa White Plains Avenue sa Quezon City gikan alas 2:00 sa hapon hangtod dili molapas sa alas 8:00 sa gabii.
“No officer deployed today should forget the weight of their responsibility. We are here to protect lives, preserve order, and defend the rights guaranteed by our Constitution. I expect every NCRPO personnel to act with discipline, maximum tolerance, and absolute respect for human rights. We will enforce the law firmly, fairly, and without exception.” sigon ni RD Aberin.