Nagtambayayong ang General Santos City Police Office ug stakeholders sa donasyon nga gihatag sa Gensan Flagship Distributor ug Monde Nissin Corporation isip pagpakita sa ilang padayon nga suporta sa misyon sa kapulisan sa pag-alagad sa katawhan.
Ang maong donasyon nagpamatuod sa lig-on nga panag-uban ug kooperasyon tali sa GenSan PNP ug sa mga stakeholder sa pagpalig-on sa kalinaw, kahapsay, ug kaluwasan sa komunidad.
Nagpakita usab kini sa espiritu sa panaghiusa, pagtinabangay, ug malasakit nga hinungdanon sa pag-atubang sa mga hagit sa katilingban.
Ubos sa pagpanguna ni Police Colonel Eric R. De Venancio, Acting City Director, mipahayag ang kapulisan sa ilang kinasingkasing nga pagpasalamat sa Gensan Flagship Distributor ug Monde Nissin Corporation alang sa ilang pagkamanggihatagon ug padayon nga pagsalig sa kapulisan.
Ang maong panag-partner naghatag og dugang nga inspirasyon sa pulisya sa pagpadayon sa matinud-anon, paspas, ug maloloy-on nga pag-alagad alang sa kaayohan sa tanang lumulupyo sa General Santos City.