Aron mapugngan ang pagdagsa sa kaso sa dengue ug mapalambo ang kahimsog sa komunidad, gihangyo sa City Government of Malaybalay ang tanang barangay, pampubliko ug pribadong eskwelahan, establisemento, ug mga panimalay nga magpahigayon og clean-up drive matag Sabado.
Gibase kini sa Resolution No. 2026-0628 nga giaprobahan sa 10th Sangguniang Panlungsod atol sa ika-50th Regular Session niadtong Hunyo 30, 2026.
Ang maong resolusyon giduso ni Kathleen Cecille C. Pagaling, Chairperson sa Committee on Health and Social Services.
Sumala sa konseho, ang dengue nagpabiling usa sa mga seryosong hulga sa panglawas tungod kay dali kini mokaylap ug mahimong makamatay.
Busa, gikinahanglan ang panagtinabangay sa komunidad ug sa tanang sektor aron mawagtang ang mga posibleng pamuy-an sa lamok pinaagi sa regular nga pagpanglimpyo sa palibot.
Pinaagi niini, gilauman sa lokal nga panggamhanan nga mapalig-on ang kampanya batok sa dengue ug mapanalipdan ang kahimsog sa mga lumulopyo sa Malaybalay.
By: SP-NADA