Gisugdan sa City Government of Malaybalay ug sa Department of the Interior and Local Government (DILG) ang pagsusi sa performance sa 46 ka barangay alang sa Seal of Good Local Governance for Barangays (SGLGB) ug Local Legislative Award (LLA).
Gipahigayon ang evaluation gikan Hunyo 16 hangtod Hulyo 9, 2026, diin gibisitahan sa evaluating teams gikan sa nagkadaiyang opisina ang matag barangay aron susihon ang ilang maayong pagdumala, transparency, accountability, ug paghatag og kalidad nga serbisyo sa katawhan.
Gibahin sa duha ka kategorya ang mga barangay base sa gidak-on sa ilang National Tax Allocation (NTA).
Lakip sa gisusi ang mga batakang aspeto sa pagdumala sama sa financial administration, peace and order, disaster preparedness, social protection ug health, education, environmental management, ug ubang essential governance areas.
Ang SGLGB ug LLA nagtinguha sa pag-ila sa mga barangay nga nagpakita og epektibo, responsableng pagdumala ug maayong pagpatuman sa mga programa ug serbisyo alang sa ilang komunidad.
