Gipangulohan ni Police Brigadier General Christopher N. Abrahano, Amahan sa Police Regional Office 10, ang blessing ug turnover ceremony sa bag-ong building sa Poona Piagapo Municipal Police Station nga nahimutang sa Brgy. Pened, Poona Piagapo, Lanao del Norte niadtong Hulyo 7, 2026.
Kabahin sa maong kalihokan ang ribbon cutting, unveiling sa commemorative marker, blessing sa pasilidad, symbolic turnover, opisyal nga turnover, ug ang pormal nga pagsugod sa operasyon sa bag-ong estasyon.
Mitambong usab si Hon. Ashley D. Raki-in, Mayor sa Poona Piagapo, Lanao del Norte, uban sa mga opisyal sa lokal nga panggamhanan, mga pangulong opisyal sa Lanao del Norte Police Provincial Office, mga kapulisan sa Poona Piagapo Municipal Police Station, ug mga representante sa kontraktor nga maoy nagpatuman sa proyekto.
Ang ilang presensya nagpakita sa lig-on nga panaghiusa ug panagtinabangay tali sa Philippine National Police, sa lokal nga panggamhanan, ug sa uban pang mga kaabag sa pagpalig-on sa imprastraktura sa kapulisan ug sa pagpaayo sa paghatag og serbisyo publiko.
Ang malampusong paghuman sa maong proyekto usa ka timailhan sa hiniusang paningkamot sa Philippine National Police ug sa Lokal nga Panggamhanan sa Poona Piagapo sa pagpalambo sa propesyonalismo, paglig-on sa kalinaw ug kahapsay sa komunidad, ug pagsiguro nga ang katawhan makadawat og paspas, ug serbisyo sa kapulisan nga nag-una sa interes sa mga lumulupyo.
