Nakadawat og donasyon ang mga personahe sa Malapatan Municipal Police Station gikan sa mga pribadong indibidwal isip suporta sa kapulisan ug sa pagpalig-on sa serbisyo publiko niadtong Hulyo 17, 2027 sa Malapatan, Sarangani Province.
Giabi-abi ni Police Major Lhecar T. Tuyogon, Chief of Police, si Atty. Thomas C. Falgui II ug negosyante nga si Mr. Marionne Jude Afable, kinsa personal nga mitunol og duha ka set sa EPSON L121 printers ug 10 ka karton sa mga de-lata ngadto sa mga personahe sa estasyon.
Sumala sa Malapatan MPS, ang maong donasyon makatabang sa pagpalambo sa kahimtang sa mga kapulisan, pag-upgrade sa kagamitan sa estasyon, ug pagpalig-on sa ilang kapasidad sa paghatag og efficient nga serbisyo sa komunidad.
Gipasalamatan usab sa kapulisan ang padayon nga suporta ug pagsalig sa ilang mga stakeholders, nga nagpakita sa lig-on nga panaghiusa tali sa komunidad ug sa Philippine National Police alang sa kaayohan sa katawhan.