Gisusi sa Cotabato City Police Office ang J. Marquez National High School sa Barangay Mother Poblacion, Cotabato City kagabii, Hulyo 22, human makadawat og taho bahin sa giingong bomb threat.
Sumala sa Police Station 1, mga alas-8:16 sa gabii dihang gitaho sa mga opisyal sa Barangay Mother Poblacion ug usa ka concerned citizen ang nadawat nga hulga pinaagi sa text message. Dihadiha mitubag ang mga kapulisan sa Police Station 1 ubos sa pagpangulo ni Police Captain Anuar M. Mambatao ug nakigkoordinar sa City Explosive and Canine Unit (CECU) alang sa masusing pag-inspeksyon sa eskwelahan.
Human sa pag-inspeksyon sa tibuok bilding ug mga classroom, walay nakit-ang kadudahang butang o improvised explosive device (IED). Tungod niini, gipahayag sa mga awtoridad nga negatibo ang resulta sa gihimong inspeksyon. Samtang, gipahinumdoman sa kapulisan ang nagreport nga magpabiling mabinantayon ug dayong ipahibalo sa mga awtoridad ang bisan unsang kadudahang kalihokan o indibidwal nga ilang mamatikdan sa maong lugar.
Source: StarFM Cotabato