Paslak sa prisohan ang duha ka High-Value Individual human malampusong nadakpan sa duha ka magkalahing anti-illegal drug operation sa Misamis Oriental ug Cagayan de Oro City, sumala sa taho gikan sa Police Regional Office 10 (PRO-10).
Sa maong mga operasyon, nakumpiska sa mga otoridad ang gidudahang shabu nga nagtimbang og 150 gramos ug nagkantidad sa kapin ₱1,020,000.00 gikan sa duha ka suspek nga sila alyas “Karl” ug alyas “Jun-Jun”.
Base sa imbestigasyon sa kapulisan, ang 55 anyos nga si alyas “Jun-Jun” nga kanhi auto mechanic ug naghimo nang pangunang panginabuhian ang pagbaligya og drugas, gidakop pinaagi sa usa ka buy-bust operation sa Barangay Macasandig.
Sa pagkakaron, giandam na ang mga kasong paglapas sa Republic Act 9165 batok sa mga dinakpan, samtang nagpahinumdom ang kapulisan sa mga nalambigit sa illegal nga drugas nga motugyan na o atubangon ang bug-at nga silot sa balaod.
Source: Bombo Radyo CDO