Dakpan ang usa ka lalaki atol sa COMELEC checkpoint nga gipahigayon sa mga otoridad isip kabahin sa seguridad alang sa 1st Bangsamoro Autonomous Region for Muslim Mindanao (BARMM) Elections sa Sitio Duran Detachment, Barangay Sarmiento, Parang, Maguindanao del Norte niadtong Lunes sa hapon Agosto 3, 2026.
Nailhan ang suspek pinaagi sa alyas nga “Abril,” residente sa Barangay Rebuken, Sultan Kudarat, Maguindanao del Norte ug narekober ang usa ka BUL M-5 kalibre .45 nga pistola nga adunay serial number 050305, usa ka magasin nga adunay 14 ka bala, ug pipila ka mga dokumento nga iyang gipakita isip awtorisasyon sa pagpanag-iya ug pagdala sa maong armas.
Human gisusi sa mga otoridad ang mga dokumento, nasuta nga dili kini nagtugma sa mga detalye sa pusil nga iyang gidala. Tungod niini, gidakop ang suspek ug nag-atubang siya og kaso sa paglapas sa COMELEC Gun Ban ug sa Republic Act No. 10591 o ang Comprehensive Firearms and Ammunition Regulation Act.
Padayon nga gipahinumdoman sa PNP ang publiko nga sundon ang mga giya nga gilatid ubos sa election gun ban aron masiguro ang kalinaw ug seguridad sa tanan, labi na sa umaabot sa 1st BARMM Elections.