Nanawagan karon si Archdiocese of Cagayan de Oro Integral Ecology Coordinator Donna Echalico nga magtanom og mga lumad nga kahoy sama sa Narra, Molave, ug Tugas aron makatabang sa pagpabugnaw sa palibot ug paghatag og dugang oxygen.
Gitin-aw sa maong opisyal nga mas maayong likayan ang pagtanom og mga exotic nga kahoy sama sa Mahogany tungod kay nakadaot kini sa yuta, diin mas maayong tamnan og mga kahoy ang tunga sa mga luag nga karsada sa syudad imbes nga himoon lamang kini nga parkingan.
Subay niini, gipadayag usab sa lider sa simbahan nga kinahanglan nga regular nga putlan ang mga sanga sa mga hamtong nga kahoy aron dili kini makahatag og peligro sa mga tawo.
Busa, iyang gipahinumdoman ang tanan nga usabon ang paghunahuna bahin sa kinaiyahan tungod kay ang tanan mangita man gayud og landong sa panahon sa kainit.
Source: Bombo Radyo CDO