Gikondena ni Cotabato City Mayor Bruce Dela Cruz Matabalao ang pag-atake sa convoy ni BARMM Chief Minister Abdulraof “Sammy Gambar” Macacua sa Barangay Dulangan, Datu Odin Sinsuat, Maguindanao del Norte.
Nanawagan si Matabalao sa mga awtoridad nga magpatuman og patas ug masusing imbestigasyon aron mailhan ang mga responsable ug mapanubag sila sa balaod. Gihangyo usab niya ang publiko nga magpabiling kalmado ug likayan ang walay basehang mga pasangil samtang wala pa mahuman ang imbestigasyon.
Giingon sa mayor nga importante nga mapreserbar ang kalinaw sa Bangsamoro ug masulbad ang mga panagbangi pinaagi sa malinawon nga pamaagi. Samtang, gikumpirma nga luwas si Chief Minister Macacua ug ang iyang mga kauban human sa insidente.