Gipangulohan ni Police Brigadier General Christopher N. Abrahano, Amahan sa Police Regional Office 10, ang blessing ug turnover ceremony sa bag-ong building sa Guinsiliban Municipal Police Station nga nahimutang sa Guinsiliban, Camiguin niadtong Agosto 17, 2026.
Kabahin sa maong kalihokan ang ribbon cutting, unveiling sa commemorative marker, blessing sa pasilidad, symbolic turnover, opisyal nga turnover, ug ang pormal nga pagsugod sa operasyon sa bag-ong estasyon.
Mitambong usab sila PCOL Edilberto B. Pitallano, Deputy Regional Director for Operations; PCOL Mauro P. Guray, Provincial Director sa Camiguin Police Provincial Office; Hon. Jurdin Jesus M. Romualdo, Representative sa Lone District sa Camiguin; Hon. Xavier Jesus Romualdo, Governor sa Camiguin; ug Hon. Joanne Marie C. Rubin-Tan, Municipal Mayor sa Guinsiliban.
Ang ilang presensya nagpakita sa lig-on nga panaghiusa ug panagtinabangay tali sa Philippine National Police, sa lokal nga panggamhanan, ug sa uban pang mga kaabag sa pagpalig-on sa imprastraktura sa kapulisan ug sa pagpaayo sa paghatag og serbisyo publiko.
Ang malampusong paghuman sa maong proyekto usa ka timailhan sa hiniusang paningkamot sa Philippine National Police ug sa Lokal nga Panggamhanan sa Guinsiliban. Pinaagi niini, gilauman usab nga mas mapalambo ang paghatag og serbisyo sa kapulisan ngadto sa mga residente ug bisita sa lungsod, ilabina sa pagmintinar sa kalinaw, seguridad, ug kahapsay sa komunidad.
