Usa ka batid nga police leader, investigator, ug kanhi United Nations peacekeeper ang bag-ong Regional Director sa Police Regional Office 10 (PRO10) nga si PBGen Nestor C. Babagay Jr.
Si PBGen Babagay nagdala og daghang kasinatian sa police operations, imbestigasyon, ug pagpangulo, nga iyang magamit sa pagdumala sa kapulisan sa Northern Mindanao.
Isip usa ka beteranong police officer, nailhan siya sa iyang operational experience ug pasalig sa propesyonal ug responsable nga serbisyo. Ang iyang kasinatian isip kanhi UN peacekeeper nakadugang usab sa iyang kahibalo sa pagmintinar sa kalinaw, seguridad, ug pakigtambayayong sa nagkalain-laing komunidad.
Sa iyang bag-ong responsibilidad, gilauman nga ipadayun ni PBGen Babagay ang people-centered leadership—usa ka pamaagi sa pagpangulo nga naghatag og dakong importansya sa kaayohan sa mga pulis ug sa pagsalig ug pakigtambayayong sa katawhan.
Isip bag-ong lider sa PRO10, atubangon niya ang nagkalain-laing hagit sa pagmintinar sa kalinaw ug seguridad sa Northern Mindanao. Apan dala ang iyang kasinatian, disiplina, ug dedikasyon sa serbisyo, andam siyang manguna uban sa prinsipyo nga ang maayong serbisyo sa kapulisan magsugod sa pagpaminaw, pagrespeto, ug pagserbisyo sa katawhan.
PBGen Nestor C. Babagay Jr.—bag-ong lider, beteranong police officer, ug usa ka lider nga andam moserbisyo alang sa kalinaw ug seguridad sa Northern Mindanao.