Davao City – Natagpuan ang bangkay ng isang babae na nakabalot sa trapal at naliligo sa sariling dugo sa gilid ng kalsada sa Deca Homes, Cabantian, Buhangin District, Davao City nito lamang Hunyo 18, 2023.
Ayon sa inisyal na impormasyon ng Buhangin PNP, kinilala ang biktima na si Sheila Han-ay Lagsaway, 29 anyos, kasambahay, residente ng Don Marcelino, Davao Occidental.
Batay sa ipinalabas na CCTV footage, makikita ang isang matandang babae na may dalang trolley, sakay ang isang mabigat na bagay na siyang bangkay ng biktima na inilagay sa ilalim ng nakaparadang sasakyan.
Agad namang dinakip ang pangunahing itinuturong suspek at patuloy ang malalim na imbestigasyon ng Buhangin PNP upang matukoy ang motibo sa likod ng brutal na pagpatay sa biktima.