Sikop ang usa ka 46-anyos nga lalaki human gipahigayon ang usa ka drug buy-bust operation sa mga tinugyanan sa balaod sa Purok 2, Brgy. Lumbo, Valencia City, Bukidnon niadtong Septyembre 9, 2026 sa gabii.
Gipaila ang suspek sa alyas nga “Donsol”, nga kwalipikado isip usa ka Street Level Individual (SLI). Nakuha gikan sa iyang posisyon ang upat ka sachet sa gituohang shabu nga motimbang og 6.2 ka gramos ug adunay standard drug price nga ₱42,160. Sakmit usab gikan sa suspek ang usa ka cellphone, pack sa sigarilyo, ug ang ₱500 nga buy-bust money.
Ang maong operasyon gipahigayon sa Valencia City Police Station kauban ang PDEA 10-Bukidnon ug nagkadaiyang yunit sa Bukidnon Police Provincial Office sa pagpanguna ni PCOL Oliver Sotto Navales. Giandam na ang kasong paglapas sa Republic Act 9165 (Comprehensive Dangerous Drugs Act of 2002) batok sa suspek samtang ang gisakmit nga gidiling droga gitunol na sa Bukidnon Provincial Forensic Unit para sa pagsusi.
Source: Bombo Radyo Bukidnon