Balhog karon sa bilanggoan ang 25-anyos nga lalaki human nadakpan sa buy-bust operation sa Dongallo Sr. Street, Barangay Camaman-an, Cagayan de Oro City, ning Sabado sa kadlawon, Setyembre 19.
Giila ang suspek sa alyas “Plong Plong,” nga giingong usa sa mga pangunang target sa kapolisan. Nasakmit gikan sa posisyon niini ang siyam ka sachet sa gituohang shabu, lakip ang buy-bust item, brown paper bag ug itom nga coin purse.
Mibalor sa kapin ₱1.36 milyon ug nagtimbang og dul-an 200 gramos ang kinatibuk-ang gituohang ilegal nga droga nga nasakmit sa hiniusang pwersa sa RPDEU Team 1, COCPO, PDEG ug uban pang mga yunit.
Isinumite na sa RFU-10 ang mga ebidensya alang