BUTUAN CITY- Boluntaryong misurender sa 4th Infantry Diamond Division ang Tulo (3) ka miyembro sa New People’s Army kon NPA nga nagtago-tago sa Northern Mindanao human sa pagkamatay sa ilang taas nga lider nga si Julia Cagadas, alyas “Rheda,” atol sa sunod-sunod nga engkwentro sa Brgy. Bakingking, Esperanza, Agusan del Sur, niadtong Septyembre 12, 2026.
Ang tulo ka indibidwal, kinsa miikyas gikan sa lugar sa Engkwentro sa Esperanza, giila nga sila si Claire Dalagon alyas Cloud, finance officer sa Headquarters Force sa North Central Mindanao Regional Committee kon NCMRC, kinsa mitahan sa 1st Special Forces Battalion sa may Brgy. Maningalao, Las Nieves, Agusan del Norte niadtong Septyembre 15; ug si William Boskada Manligayan, alyas Kevin, squad leader, ug Allan Bakero Tahal, alyas Ading, usa ka regular nga miyembro sa maong grupo, kinsa mitahan sa hiniusang pwersa sa 23IB, 58IB ug mga intelligence unit sa 23IB Headquarters sa Brgy. Alubijid, Buenavista, Agusan del Norte niadtong Septyembre 17.
Lakip sa ilang gisurender ang usa (1) ka M16 rifle, magazine, ug mga bala.
Samtang ang mga mingsurrender giap-ubos na sa Enhanced Comprehensive Local Integration Program kon ECLIP.