Uban ang dakong kasubo, personal nga nibisita si PBGEN Nestor C. Babagay Jr., Regional Director sa Police Regional Office 10, sa lamay ni PSMS Shelvib Cuajao Cabug, nga mipanaw niadtong Setyembre 21, 2026 human kini gidumbol sa usa ka sakyanan nga gidayban sa usa ka retirado nga sundalo samtang nagpatuman sa katungdanan sa gipahigayon nga checkpoint operation sa Jimenez, Misamis Occidental.
Gi-ila nga so PSMS Cabug, usa ka dedikado nga police officer—usa ka tawo nga, bisan pa sa peligro, matinud-anong nagtuman sa iyang saad sa pag-alagad ug pagpanalipod sa katawhan.
Sigon ni PBGEN Babagay Jr. ang iyang lawom nga kasubo ug kinasingkasing nga pakikiramay ngadto sa pamilya sa namatyan. Gipasalig niya nga dili pasagdan ang pamilya ni PSMS Cabug niining lisod kayo nga panahon.
Giseguro usab niya nga paningkamotan nga makab-ot ang hustisya alang sa namatay nga pulis ug nga ang tanang gikinahanglang tabang, pinansyal nga benepisyo, ug administratibong suporta gikan sa PRO10 ihatag ngadto sa iyang nahabilin nga pamilya.
Sa iyang katapusan nga pag-alagad, gibiyaan ni PSMS Shelvib Cuajao Cabug ang usa ka panulondon sa kaisog, dedikasyon, ug sakripisyo—usa ka kinabuhi nga gitugyan alang sa katungdanan ug alang sa katawhan.