Gipahigayon sa mga miyembro sa Bukidnon Police Provincial Office ang School-Related Violence ug Countering Nihilistic Violent Extremism Threats Symposium isip kabahin sa ilang paningkamot nga mapalambo ang seguridad ug kaluwasan sulod ug palibot sa mga eskwelahan sa Bukidnon National High School, Malaybalay City, Bukidnon niadtong Setyembre 24, 2026.
Tumong sa maong kalihokan nga mapataas ang kahibalo ug pag-andam sa mga estudyante, magtutudlo, school administrators, ug uban pang stakeholders bahin sa mga hulga nga mahimong makaapekto sa kalinaw ug seguridad sa komunidad.
Gihatagan usab og gibug-aton ang importansya sa sayong pag-ila sa posibleng mga timailhan sa school-related violence ug violent extremism, lakip ang hustong pagreport ug koordinasyon sa mga otoridad.
Pinaagi sa maong symposium, gilauman nga mas mapalig-on ang panag-uban sa kapulisan, mga eskwelahan, mga ginikanan, ug komunidad aron mapadayon ang usa ka luwas ug malinawon nga palibot alang sa mga estudyante.
Ang hiniusang pagtinabangay ug hustong impormasyon maoy importante nga lakang aron malikayan ug mapanalipdan ang kabatan-onan.