Gipahigayon sa Davao City Police Office ang Oplan Kalinaw III nga adunay tema nga “Ensuring Safe and Secure Communities with Delivery of Social Services” sa Saloy Elementary School, Barangay Saloy, Calinan District, Davao City niadtong Biyernes, Setyembre 25, 2026.
Tumong sa maong kalihokan nga mapalig-on ang seguridad ug kalinaw sa komunidad, samtang mas mapaduol usab sa mga residente ang mga serbisyo ug programa sa gobyerno.
Gilauman nga pinaagi sa Oplan Kalinaw III, mas mapalig-on ang koordinasyon tali sa kapulisan, lokal nga pangagamhanan, eskwelahan, ug komunidad aron mapadayon ang luwas ug malinawon nga palibot alang sa mga residente, ilabi na sa mga kabataan.
Ang maong inisyatiba nagpakita sa paningkamot sa Davao City PNP nga dili lamang magpatuman sa seguridad, kundili motampo usab sa paghatod sa serbisyo sosyal ug pagpalambo sa kaayohan sa komunidad.
