Duha ka balay ang nasunog samtang ang usa niini hingpit nga nadaot sa nahitabo nga sunog pasado alas-2 sa hapon niadtong Sept. 30, 2026, sa Pascual Road, Rosary Heights Mother Barangay, Cotabato City.
Sa pakighinabi sa Star FM Cotabato kang SFO1 Rolly Sulaiman, tigpamaba sa Cotabato City Fire Station, gilayon nga mitubag ang mga bombero human makadawat og tawag gikan sa usa ka concerned citizen. Abante na ang kahimtang sa sunog sa pag-abot sa mga bombero, apan gilayon usab kini napalong pinaagi sa tabang sa mga residente.
Gibanabana nga mokabat sa P250,000 ang kantidad sa kadaot, samtang upat ka indibidwal ang nakaangkon og gamay nga pisikal nga kadaot—tulo ka sibilyan ug usa ka personnel sa Bureau of Fire Protection (BFP). Samtang, electrical-related ang usa sa mga anggulo nga gitan-aw sa posibleng hinungdan sa sunog, apan kinahanglan pa kini kumpirmahon pinaagi sa scene examination ug laboratory analysis. Giawhag usab sa Cotabato City Fire Station ang publiko nga ireport dayon ang bisan unsang insidente sa sunog aron mapadali ang pagtubag sa mga bombero.
Source: StarFM Cotabato