Mikabat sa P1.08 milyon ang kantidad sa mga gituohang smuggled nga sigarilyo ang nasakmit sa kapulisan atol sa checkpoint operation sa Kapatagan, Lanao del Norte Northern Mindanao niadtong milabay’ng adlaw.
Nasakmit gikan sa usa ka van nga gimarkahan isip Patient Transport Vehicle ang 22 ka master case sa New Far Red ug lima ka master case sa New Far White nga sigarilyo.
Gidakop ang 31-anyos nga drayber ug 19-anyos niining pasahero, nga susamang residente sa Sultan Naga Dimaporo. Matud sa kapolisan, gikan sa maong lungsod ang mga sigarilyo ug padulong unta sa Kapatagan.
Gidala ang duha sa Kapatagan Municipal Police Station samtang ang mga nasakmit nga sigarilyo ug sakyanan ipailalom sa turnover sa Bureau of Customs alang sa tukmang aksyon.
Source: Bombo Radyo Bukidnon