Gihatagan sa Ministry of Basic, Higher and Technical Education o MBHTE og pagkilala ug tig-P50,000 nga insentibo ang duha ka nanguna sa ilang tagsa-tagsa ka licensure examination.
Gipasidunggan sila Aina Ashliah Karon Esmail nga nakakuha sa Top 8 sa Nursing Licensure Examination human makakuha og 90.80%, ug Ma. Ysabelle Tamayo Albores nga naka-ranggo isip Top 10 sa Psychometrician Licensure Examination nga nakakuha og 92.40%. Gipahigayon ang recognition ceremony niadtong Setyembre 29.
Gihatag sa MBHTE ang tig-P50,000 ngadto sa duha ka topnotcher isip insentibo alang sa ilang talagsaong resulta sa licensure examinations.
Samtang, gipahalipayan ni MBHTE Deputy Minister Atty. Abubakar A. Katambak, nga mitambong isip representante ni Interim Chief Minister ug Concurrent MBHTE Minister Abdulraof A. Macacua, ang duha ka topnotcher ug ang ilang mga eskwelahan.
Source: StarFM Cotabato