Patay ang usa ka 30-anyos nga lalaki human gipusil ug gidunggab sa usa ka 38-anyos nga lalaki sa Barangay Kipaypayon, Quezon, Bukidnon niadtong milabayng adlaw.
Matud sa inisyal nga imbestigasyon, misulod ang biktima sa balay sa suspek samtang hubog ug mihagit og away gamit ang armas.
Giingong gipusil kini sa suspek og unom ka beses isip pagdepensa sa kaugalingon, sa wala pa kini gidunggab sa liog.
Gidala ang biktima sa Quezon Health Infirmary Hospital apan gideklarang dead on arrival.
Narekober sa crime scene ang usa ka Ingram gun, magazine, mga basyo sa 9mm nga bala ug usa ka bladed weapon.
Ang suspek boluntaryong giturn-over sa mga barangay opisyal ngadto sa Quezon Municipal Police Station ug anaa na sa kustodiya sa kapulisan alang sa hustong disposisyon.
Source: Bombo Radyo Bukidnon