Gidakop ang usa ka 44-anyos nga lalaki nga giisip sa mga awtoridad nga targeted drug personality sa gihimong buy-bust operation sa Purok Santan, Barangay Poblacion, Pikit, Cotabato.
Gihimo ang operasyon alas-1:30 sa hapon niadtong Setyembre 30 sa PDEA Region 12-Cotabato Provincial Office, uban sa Pikit Municipal Police Station isip joint operating unit.
Giila ang nadakpan nga suspek sa alyas nga “Bidok,” residente sa Purok San Francisco, Barangay Ladtingan, Pikit, Cotabato.
Narekober sa operasyon ang usa ka gamay nga heat-sealed transparent plastic sachet nga adunay sulod nga gituohang shabu nga adunay standard drug value nga P18,360, lakip ang P500 nga bayronon nga gigamit isip buy-bust money.
Atubangon sa suspek ang kaso tungod sa paglapas sa Section 5, Article II sa Republic Act 9165 o Comprehensive Dangerous Drugs Act of 2002.