Patay ang 28-anyos nga lalaki human giingong gidunggab sa laing lalaki sa Purok 1, Barangay Kibangay, Lantapan, Bukidnon, sa gabii sa Oktubre 11, 2026.
Nadakpan ang suspetsado human ma-report sa kapulisan ang insidente sa hapon sa Oktubre 12.
Base sa inisyal nga imbestigasyon, lango og ilimnong makahubog ang duha sa wala pa naglalis. Wala madugay, samtang natulog ang biktima, giingong gidunggab kini sa suspetsado sumala sa mga saksi.
Nakit-an sa nirespondeng kapulisan ang biktima nga adunay mga samad sa tiyan ug sa wala nga bahin sa lawas diin gideklara kining patay sa municipal health officer.
Sa pagkakaron, gidala ang suspetsado sa Lantapan Municipal Police Station alang sa hustong pagproseso samtang nagpadayon ang imbestigasyon sa insidente.
Source: Bombo Radyo Bukidnon