BUTUAN CITY- Wala nay kinabuhi nga nakit-an sa gi-rentahang apartment ang usa ka 65-ayos nga lalaking Amerikano sa Brgy. Washington, Surigao City niadtong Sabado, Oktubre 10.
Sumala sa pa-unang imbestigasyon, nag-check in sa nasangpit nga apartment sa Mariposa Street, Purok Orchids niadtong Oktubre 5 ang biktima.
Apan niadtong Sabado, adiser nakit-an ang patay’ng lawas sa biktima, usa ka caretaker ang nabulabog tungod baho nga naggikan sa ika-duhang andana sa nasangpit nga apartment ug naggikan sa unit sa biktima.
Gamit ang spare key sa caretaker, gi-abrihan ang nasangpit nga unit, kung asa ming-sugat ang patay’ng lawas sa biktima. Gilayon usab nga gipahibalo sa caretaker ngadto sa tag-iya ang nadiskobrehan niini dayong tawag sa mga Police.
Sa kasamtangan, gi-imbistigahan na sa mga awtoridad ang hinungdan sa pagkamatay sa biktima. Adunay posibilidad usab matud pa nga cardiac arrest ang gikamatay niini apan posible usab nga adunay foul play nga nalambigit sa pagkamatay niini.
Bisan paman, wala pay kasiguraduhan ug wala pa matino ang hinungdan sa pagkamatay niini samtang padayon nga gihuwatan sa mga autoridad ang autopsy results.
Wala na usab gi-publik sa Surigao City Police ang tibok identidad sa biktima apan nasuta nga residente sa estado sa Florida sa United States ang lalaki.
Kasamtangang nakig-alayon na usab ang awtoridad sa US Embassy ingon man sa kabanay sa biktima.
Source: Bombo Radyo Butuan