Gisakop sa National Bureau of Investigation Region 10 (NBI-10) ang usa ka giingong ilegal nga POGO hub sa Purok 2, Barangay Tablon niadtong miaging semana.
Gikumpirma ni Barangay Tablon SK Chairman Win Eduard Sinimio nga nakit-an sa balay ang 25 ka computer units, kapin tunga sa milyong pesos nga kuwarta alang sa pondo ug suweldo, ug 30 ka batan-ong trabahante gikan sa nagkadaiyang lugar sa dakbayan.
Gibutyag usab sa opisyal nga nag-operate ang pasilidad og wala ma-accredit nga online game ug adunay giingong kalihokan nga may kalabotan sa human trafficking. Tungod niini, nagpadayon ang pakigtambayayong sa lokal nga kagamhanan sa NBI aron mailhan ug madakpan ang mga Intsik nga giingong nagpaluyo sa maong sindikato.
Source: Bombo Radyo CDO