Nangulo ang City Mayor’s Office (CMO) sa 2nd Monday Convocation nga gipahigayon sa parking lot sa New City Hall, Malaybalay City, Bukidnon niadtong Oktubre 26, 2026, aron mapalig-on ang panaghiusa ug kalidad sa pagserbisyo sa publiko sa mga empleyado sa dakbayan.
Gisugdan ang programa pinaagi sa pag-awit sa Pambansang Awit ug invocation nga gipangulohan sa City Band. Mihatag og welcome message si Ms. Venus G. Palalay, Community Affairs Officer IV, ug nagpasundayag og intermission number ang piniling mga empleyado sa CMO.
Mihatag og mensahe ug mga bililhong pagtulun-an ang dinapit nga mamumulong nga si Mr. Paolo Querol, usa ka tourism officer sa lungsod sa Talisayan. Iyang gipaambit ang mga panan-aw nga magamit sa pagtrabaho ug pagserbisyo sa publiko. Gisundan kini sa awarding and recognition isip pag-ila sa mga indibidwal nga nakatampo sa kalampusan sa mga programa ug kalihokan.
Sa iyang mensahe, gidasig ni City Mayor Jay Warren R. Pabillaran ang mga empleyado nga magpadayon sa matinud-anon, episyente, ug responsableng pagserbisyo alang sa kalambuan sa Malaybalay City.
