Gipahugtan sa Bukidnon Police Provincial Office (BukPPO) ang pagpahimangno sa publiko nga magmatngon ug mosunod sa mga lagda sa kaluwasan atol sa paghinumdom sa mga minahal sa kinabuhi panahon sa Undas 2026.
Kini human gipahibalo ni Police Colonel Oliver Soto Navales, BukPPO Provincial Director, nga magdeploy og mga kapulisan sa mga sementeryo, terminal ug uban pang estratehikong lugar sa probinsya aron masiguro ang kaluwasan sa publiko.
Gipahimangnoan usab ang publiko nga dili magdala og armas, hait nga mga butang ug ilegal nga droga sa mga sementeryo, samtang giawhag ang mga mobiyahe nga magdala og payong ug tubig aron malikayan ang dehydration ug heat stroke.
Gipahayag usab ang paghatag og identification card sa mga bata nga kuyog sa ilang pamilya aron dali silang mailhan ug makontak ang ilang mga ginikanan kon magkabulag.
Samtang, giawhag ang mga mobiyahe nga siguruhong sirado ang mga bintana ug pultahan sa ilang mga balay, patyon ang mga electrical appliances ug kandila aron malikayan ang sunog ug uban pang disgrasya.
Source: Bombo Radyo Bukidnon