Samdan ang usa ka babaye human gipusil sa wala pa mailhing suspek sulod sa usa ka laundry shop sa Sitio Lumpong, Poblacion Dalican, Datu Odin Sinsuat, Maguindanao del Norte, alas-6:00 sa gabii niadtong Oktubre 30.
Giila ang biktima nga si alyas Thel, residente sa maong lugar. Base sa inisyal nga imbestigasyon sa kapulisan, naghan-ay ug nagpilo sa mga sinina ang biktima dihang giduol kini sa suspek ug gipusil.
Human sa pagpamusil, dali nga mikalagiw ang suspek ngadto sa wala matino nga direksyon. Gidala dayon sa mga concerned citizen ang biktima ngadto sa DOS District Hospital alang sa pagpatambal.
Niresponde sa lugar ang mga sakop sa Datu Odin Sinsuat Municipal Police Station aron magpahigayon og ocular investigation. Gilusad usab ang hot pursuit operation samtang gipangita ug gitino ang posibleng mga saksi.
Padayon ang imbestigasyon sa kapulisan aron mailhan ang suspek ug matino ang motibo sa pagpamusil.
Source: StarFM Cotabato