Nagpabiling wala pa mailhi ang pagkatawo sa duha ka gikatahong kalabera sa tawo nga nadiskobrehan atol sa pagpangubkob sa dalan sa Purok 7 Old Road, Barangay Gusa, Cagayan de Oro City.
Nakit-an ang mga bukog sa usa ka leadman sa construction company samtang nagpadayon ang ilang pagkalot sa maong lugar.
Gipahibalo dayon sa mga trabahante ang kapulisan, nga nagpahigayon og imbestigasyon uban sa mga personahe sa Scene of the Crime Operatives (SOCO).
Sa pagkakaron, anaa sa kustodiya sa mga otoridad ang mga bukog samtang gipaabot ang Post-Mortem Forensic Anthropology Examination aron matino ang ilang pagkatawo.
Source: Bombo Radyo Bukidnon