Naangol ang 18-anyos nga drayber sa motorsiklo human mabangga sa usa ka Montero Sport sa National Highway, Zone 5, Barangay Kinawe, Libona, Bukidnon, takna alas-7:40 sa gabii niadtong milabay’ng adlaw.
Base sa inisyal nga imbestigasyon, padulong sa Barangay Kili-og ang motorsiklo ikan sa Barangay Gango, samtang misulod sa national highway ang Montero Sport padulong sa Cagayan de Oro City ug mitabok sa agianan sa motorsiklo.
Tungod niini, nabanggaan sa wala nga bahin sa sakyanan ang motorsiklo nga miresulta sa pagkasamad sa ulo sa 18-anyos nga drayber.
Gidala dayon sa iyang mga paryente ang biktima ngadto sa usa ka ospital sa Cagayan de Oro City alang sa medikal nga pag-atiman.
Samtang gikustodiya na sa Libona Municipal Police Station ang drayber sa Montero ug ang nalambigit nga mga sakyanan alang sa dugang nga imbestigasyon ug hustong disposisyon.
Source: Bombo Radyo Bukidnon