Gipahigayon sa City Government of Valencia, pinaagi sa City Disaster Risk Reduction and Management Office (CDRRMO), uban sa nagkadaiyang stakeholders, ang tulo ka adlaw nga contingency planning alang sa Mt. Calayo nga nagsugod niadtong Nobyembre 16 ug magpadayon hangtod Nobyembre 18, 2026.

Gisuportahan nila City Mayor Amie Galario ug City Vice Mayor Greizl Galario-Fernandez ang maong kalihokan, nga nagtumong sa pag-ila sa mga posibleng risgo nga may kalabotan sa Mt. Calayo ug pagtino sa angay nga mga lakang sa pagpangandam ug pagresponde aron mapalig-on ang disaster preparedness sa dakbayan.

Ang Mt. Calayo, nga nailhan usab nga Musuan Peak, usa ka aktibong bulkan nga adunay natala nga pagbuto niadtong 1866 ug 1867. Bisan dugay na kini sukad sa maong mga pagbuto, importante gihapon ang padayon nga pagmonitor ug pagpangandam aron masiguro nga andam ang dakbayan sa pag-atubang sa bisan unsang posibleng kalihokan niini.

By Shaider

Leave a Reply

Your email address will not be published. Required fields are marked *