Nagsilbing host ang lungsod ng Tagum sa isinagawang pinakaunang Davao Regional Digital Career Expo nito lamang ika-20 ng Mayo 2024.
Nagpakitang gilas naman ang Tagum City National High School Conexus Harmonia Chorale habang si mismong Tagum City Mayor Honorable Rey T. Uy ang nagbigay ng welcome remarks.
Ang naturang pagtitipon ay nagsilbing plataporma kung saan ay nakapagbahagi ang mga bisita gaya na lamang ni Atty. Jocelle Batapa-Sigue, DICT Undersecretary for ICT Industry and Development ng mga kaalaman ukol sa digital innovations at maliban pa rito ay naipresenta rin ang madaming oportunidad sa trabaho na may koneksyon sa Information Technology and Business Process Management.