Cotabato City – Nasakote ang isang gun runner at nakumpiska ang mga baril at bala sa isinagawang operasyon ng mga otoridad sa Barangay Rosary Heights 13, Cotabato City nito lamang ika-7 ng Agosto 2024.
Kinilala ang suspek na si alyas “Shimie”, 49 anyos, PNP member, residente ng Brgy. Dalumnagcob, Sultan Kudarat, Maguindanao del Norte.
Narekober ng pulisya ang dalawang yunit ng cal. 5.56mm rifle, isang tactical vest color green, isang 20 rounder magazine cal. 5.56mm, apat na 30 rounder magazine cal. 5.56mm, Php160,000 buddle money, tatlong pirasong Php500 bill, at ID’s.
Nahaharap ang suspek sa kasong paglabag sa Republic Act 10591 “Comprehensive Firearms and Ammunition Regulation Act” Section 28 “Constructive Possession of Firearms and Ammunition” at Section 32 o “Unlawful Sale of Firearms and Ammunition”.
Patuloy ang PNP sa pagpapigting sa kampanya laban sa scalawag na pulis dahil walang mas mataas sa ating bansa.