Talakag, Bukidnon- Nahukay ang ilang matataas na kalibre ng baril sa remote areas ng Talakag, Bukidnon sa ikinasang operasyon ng mga awtoridad nito lamang Hulyo 2, 2023.
Napag-alaman na ang mga nadiskubreng baril ay isang cal. 50mm Improvised Sniper Rifle, pitong M16 rifle, tatlong M14 rifle, tatlong AK47 rifles, at dalawang caliber 45 pistol.
Natunton ang lokasyon ng mga naturang matataas na kalibre ng baril sa tulong ng dating miyembro ng New People’s Army (NPA) na indikasyon ng paghina ng makakaliwang grupo.
Nanawagan naman ang Bukidnon PNP sa mga natitira pang miyembro ng NPA na magbalik-loob sa gobyerno at magsimula ng panibagong buhay kapiling ang kanilang sariling mga pamilya.