Cagayan de Oro City- Nakiisa ang mga miyembro ng Department of Agriculture 10 sa isinagawang Kick-Off Ceremony para sa 28th Police Community Relation Month Celebration na ginanap sa Regional Headquarters Grandstand, Camp Vicente G Alagar, Lapasan, Cagayan de Oro City nito lamang Hulyo 3, 2023.
Naging Panauhing Pandangal si Dir. Carlene C. Collado, CPA, Regional Executive Director ng Department of Agriculture (DA-10), at nagbigay ng taos-pusong pasasalamat sa Police Regional Office 10 sa suporta lalong lalo na sa KADIWA program.
Nakatanggap ng pagkilala at parangal ang mga stakeholders na walang sawang sumusuporta kapag mayroong Police Community Relation Activities ang Northern Mindanao.
Nagkaroon naman ng Signing of Memorandum of Understanding ang Police Regional Office 10 at Skill Mastery Institute for Learning Entrepreneurship and Success o SMILES Foundation. Ito ay lalo pang pagpapalakas ng ugnayan ng pulisya, stakeholders at iba’t-ibang sektor ng pamahalaan upang sama-samang maiabot ang tulong sa mamamayan na nangangailangan tungo sa pagkamit ng kaunlaran.