Upang matugunan ang patuloy na kakulangan sa access sa pangangalagang pangkalusugan sa buong probinsiya, ang Pamahalaang Panlalawigan ng Davao de Oro sa pamamagitan ng Provincial Health Office ay nagdaos ng kauna-unahang Universal Health Care (UHC) Summit noong Setyembre 5-6, 2024.
Ang dalawang araw na summit na ginanap sa Sea Eagles Beach Resort, Pindasan, Mabini, ay nagsilbing plataporma upang talakayin ang mga hamon ng probinsiya sa paghahatid ng pantay-pantay na serbisyo sa pangangalagang pangkalusugan, partikular sa mga kanayunan, sa pamamagitan ng mga teknikal na sesyon sa pamamagitan ng health experts na magsisilbing resource speaker.
Ang kaganapan ay pinagsama ang mga health professionals, advocates, at mga lokal na opisyal upang mapabuti ang kalusugan at kapakanan ng lahat ng Davaeños.
Naging pagkakataon din ang summit para sa mga lokal na lider na muling ipahayag ang kanilang dedikasyon sa UHC, kung saan ang mga local chief executives mula sa 11 munisipalidad sa Davao de Oro ay pumirma ng bagong pangako sa layuning ito.
