Dead-on-the-spot ang isang lalaki nang pagbubugbugin ng dalawang kalalakihan sa Purok 5, Barangay Gasta, Banisilan, Cotabato City noong ika-15 ng Setyembre 2024.
Kinilala ang biktima na si Arsenio Baylon, isang welder at residente ng nasabing lugar.
Agad naman napasakamay ng batas ang dalawang suspek na sina alyas “Ryan” 32 anyos, at si alyas “Ranillo” 38 anyos, pawang mga residente ng nabanggit na lugar.
Lumalabas sa imbestigasyon ng PNP, lasing umano ang biktima nang dumalaw ito sa lamay ng ina ng dalawang suspek nang biglang nagkaron ng alitan ang tatlo.
Nagawa pa umanong pigilan ng mga residente ang gulo ngunit bigla nalang na pinagsusuntok ng dalawang suspek ang biktima sa mukha at katawan hanggang sa mawalan ng malay.
Agad na naisugod ang biktima sa pinaka-malapit na pagamutan ngunit idineklara ring dead-on-arrival.
Patuloy ang PNP sa pagpanatili ng kaayusan at katahimikan sa ating pamayanan.