Davao City – Isang pampasaherong bus ang naaksidente matapos itong bumangga sa isang wing van at dumiretso sa open canal sa kahabaan ng Purok 12, Davao-Bukidnon Road, Brgy. Buda, Marilog District, Davao City nito lamang Hulyo 19, 2023.
Kabilang sa mga sakay ng bus ang ilang mamamahayag na nakabase sa Davao na dumalo sa National Schools Press Conference sa Cagayan de Oro City.
Ayon sa ulat, mahigit 22 na sugatang pasahero ang mabilis na nirespondehan ng mga rescue team at dinala sa Southern Philippines Medical Center (SPMC).
Patuloy ang panawagan ng mga awtoridad na mag-doble ingat at sumunod sa batas trapiko upang maiwasan ang anumang aksidente sa daan.