Isinuko ng isang lalaki ang kanyang loose firearm sa mga awtoridad sa Sitio Kutah, Brgy. Panitikan, Pangutaran, Sulu nito lamang ika-4 ng Nobyembre 2024.
Kinilala ang lalaking boluntaryong nagsuko na si alyas “Mutsah”, residente ng naturang lugar.
Nabatid na ang isinukong armas ay isang Pistol Taurus PT92 cal. 9mm.
Nanawagan naman ang PNP sa lahat ng may-ari ng baril na walang kaukulang dokumento na isuko sa kanilang tanggapan upang maiwasan na magkaroon ng kaso.
