Cotabato – Arestado ang isang lalaki sa likod ng pananaga sa isang lolo sa isinagawang hot pursuit operation ng mga awtoridad sa Alamada, Cotabato nito lamang Agosto 6, 2023.
Kinilala ang suspek na si alyas “Edgar”, 60 anyos at residente ng Brgy Dado, Alamada, Cotabato.
Ayon sa ulat ng Alamada MPS, tumawag ang isang concerned citizen sa kanilang himpilan upang ipagbigay alam ang nangyaring insidente ng pananaga sa Brgy. Dado, sa naturang bayan dakong 9:30 ng gabi.
Batay sa imbestigasyon ng awtoridad, habang naglalakad ang kinilalang biktima na si “Arche”, 65-anyos, sa Barangay Road ng nasabing lugar, nilapitan ito ng suspek na armado ng itak/bolo at sa walang anumang dahilan ay bigla nitong tinaga ang biktima na tinamaan sa ulo, magkabilang braso, at ilong nito.
Nagawa namang tumakas ang biktima mula sa suspek kaya’t agad itong nakahingi ng tulong at agad na naisugod sa opistal para sa atenayong medikal.
Patuloy na man ang masusing imbestigasyon ng Alamada PNP at inihahanda ang kaukulang kaso at nagpasalamat sa suporta ng komunidad na nagresulta ng pagkakahuli ng suspek.