Natagpuan ang daan-daan piraso ng gamit pampasabog sa operasyon ng mga awtoridad sa Barangay St. Peter, Malaybalay City, Bukidnon nito lamang Linggo, Agosto 6, 2023.
Narekober mula sa operasyon ang 337 piraso ng Super dyne Explosive na may sukat na 25mm, bigat na 125 grams at may haba ng walong inches at tatlong 20 litro na gallon container na may laman na mga pampasabog.
Patuloy ang Bukidnon PNP sa pagpapatupad ng mga operasyon upang mapanatili ang kapayapaan at katahimikan sa kanilang nasasakupan at nanawagan ng suporta sa mamamayan upang tuldukan ang insurhensiya at terorismo na hadlang sa pagkamit ng kaunlaran.