Bukidnon- Sugatan ang apat na indibidwal habang kumpirmadong patay ang isang buntis matapos araruhin ng isang 12 Wheeler Truck ang ilang bahay at sasakyan sa Diversion Road, P-17, Landing, Casisang, Malaybalay City, Bukidnon nito lamang umaga ng Huwebes, Agosto 3, 2023.
Kinilala ang truck driver na si Bevencio Narciso, 41 anyos, residente ng Gusa, Cagayan de Oro City.
Ayon kay Police Lieutenant Colonel Julius Clark Prisco M Macariola IV, Hepe ng Malaybalay City Police Station, bandang 7:10 ng umaga habang binabagtas ng 12 Wheeler na truck ang Kalilangan, Bukidnon road nang biglang nawalan ng preno ang minamaneho nitong truck na nagresulta sa pagbunggo ng ilang sasakyan at mga bahay sa naturang lugar.
Kinilala ang namatay na si Melon Epan, 29 Helen Robisquillo (buntis) habang sugatan naman sina Sherly Arcilles, Mark Ivan, Arcilles, at Jade Marrie Arcilles.
Agad naman sinugod sa pinakamalapit na pagamutan ang mga nasugatang biktima pati na din ang driver at truck helper nito.
Patuloy naman pinapaalalahanan ng Malaybalay City PNP na maging alerto sa pagmamaneho at sumunod sa batas trapiko upang maiwasan ang anumang aksidente.