Nakamit ng Digos City ang mataas na parangal bilang 1st Place Overall Most Competitive Component City sa isinagawang Cities and Municipalities Competitiveness Index (CMCI) Awarding Ceremony nito lamang Nobyembre 7, 2024.
Ang prestihiyosong pagkilalang ito ay nagbigay-diin sa kahusayan ng lungsod sa iba’t ibang aspeto ng pamamahala at pagpapaunlad ng komunidad.
Ang karangalan na ito ay matapos itanghal ring 1st Place Most Improved LGU ang lungsod, 1st Place Most Competitive LGU in Innovation, 1st Place Most Competitive LGU in Resiliency, 1st Most Competitive LGU in Infrastructure, 2nd Place Most Competitive LGU in Government Efficiency at 2nd Place sa Most Competitive LGU in Economic Dynamism.
Ang mga pagkilalang ito ay hindi lamang nagpapakita ng mataas na antas ng pamamahala, kundi patunay din ng dedikasyon ng mga lokal na opisyal at empleyado ng Digos City na magbigay ng mga de-kalidad na serbisyo at maghatid ng tunay na pagbabago para sa kapakanan ng mga residente nito.