Tinatayang mahigit nasa P20,240,000.00 halaga ng puslit na yosi ang nadiskubre ng mga awtoridad sa dalawang abandonadong bahay sa Barangay Sigayan, Sultan Naga Dimaporo, Lanao del Norte nito lamang ika-11 ng Nobyembre 2024.
Nadiskubre sa operasyon ng Lanao del Norte PNP, ang 506 na kahon ng mga puslit na yosi na dinadala sa pamamagitan ng isang bangka na may markang “Jungkong”.
Nakumpiska ang 115 na kahon ng champion brand; 97 na kahon ng Red Astro Filter Kings Brand; 102 na kahon ng Green Astro Brand; 41 na kahon ng Cannon Menthol; 95 na kahon ng Fort Brand; 19 na kahon ng New Far Brand; 19 na kahon ng New Berlen at 18 na kahon ng Hero Brand na may tinatayang nasa P20,240,000.00.
Ang Lanao del Norte PNP ay nanawagan sa mamamayan ng kooperasyon at agad isumbong sa kanilang himpilan ang mga kahina-hinalang aktibidad upang mapigilan ang anumang krimen at mapanatili ang isang payapa at maunlad na bayan.
